English

Mae llawer o resymau pam nad yw plant yn siarad am gamdriniaeth a allai fod wedi digwydd iddyn nhw neu am eu pryderon ynghylch oedolyn neu berson ifanc arall yn eu bywydau.

Mae'n hanfodol bod oedolion a gofalwyr yn deall beth i edrych amdano os ydynt yn poeni am blentyn a sut i ddechrau cyfathrebu a hwy fel eu bod yn teimlo eu bod yn gallu trafod unrhyw gamdriniaeth a allai fod wedi digwydd a sut i amddiffyn eu hunain yn well, ar-lein ac oddi ar-lein.

Bydd y fideo addysgol byr isod yn darparu gwybodaeth bellach ynghylch pam nad yw plant efallai'n teimlo y gallant drafod camdriniaeth, sut mae pobl sy'n cam-drin plant yn gallu tawelu plant a sut i gefnogi plant nad ydynt efallai'n teimlo'n gyffyrddus yn trafod yr hyn sydd wedi digwydd iddynt.

Pam nad yw plant yn dweud am gamdriniaeth

Mae'n anghyffredin i unrhyw un heblaw'r camdriniwr a'r dioddefwr fod yn dyst i gamdriniaeth; ac efallai na fydd plentyn byth yn dod ymlaen a dweud wrthych chi, nac unrhyw un arall, amdano.

Mae yna lawer o resymau pam nad yw plant yn siarad am yr hyn sy'n digwydd iddyn nhw.

Mae ymchwil yn awgrymu na ddywedodd 3 o bob 4 plentyn a ddioddefodd wrth unrhyw un am y cam-drin ar yr adeg y digwyddodd oherwydd embaras neu gywilydd, neu feddwl na fyddent yn cael eu credu.

Weithiau mae plentyn mor ifanc neu'n ofni nad ydyn nhw'n gwybod neu ddim yn gallu dod o hyd i'r geiriau i egluro beth sy'n digwydd iddyn nhw. Ac weithiau maen nhw'n cael eu drysu cymaint gan y camdriniwr, fel nad ydyn nhw'n gwybod bod yr hyn sy'n digwydd yn anghywir.

Mae gan gamdrinwyr lawer o ffyrdd o sicrhau distawrwydd plentyn. Bydd rhai yn chwarae ar eu hofn, eu hembaras a'u heuogrwydd; a gall hyd yn oed wneud i'r plentyn feddwl ei fod wedi gwneud rhywbeth o'i le.

Er enghraifft, trwy gyflwyno plentyn i alcohol, cyffuriau neu bornograffi, mae'r camdriniwr yn gwybod y bydd y plentyn yn fwy amharod i ddweud, rhag ofn mynd i drafferth.

Weithiau mae camdrinwyr yn credu eu bod wir yn gofalu am eu dioddefwyr a hyd yn oed yn eu caru - p'un a yw'r cam-drin yn digwydd y tu mewn neu'r tu allan i'r teulu. Maen nhw'n rhoi llawer o sylw i'r plentyn sy'n gwneud iddyn nhw deimlo'n arbennig. Felly, mewn llawer o achosion, efallai y bydd y dioddefwr yn caru'r camdriniwr - yn enwedig os yw hwn yn aelod o'r teulu - ac efallai na fydd eisiau colli cysylltiad â nhw trwy ddatgelu.