English

DIOGELWCH AR-LEIN

Mae plant yn defnyddio gwefannau ac apiau gwahanol i’w rhieni yn rheolaidd, a gall fod yn anodd cadw i fyny yn y byd digidol hwn sy'n newid yn barhaus.

Ond mae'r pethau sy'n helpu i gadw plant yn ddiogel ar-lein yn aml yn debyg i'r pethau sy'n eu cadw'n ddiogel oddi ar-lein.

• Erbyn hyn, mae hanner plant 10 oed yn berchen ffôn eu hunain (Ofcom 2019)
• Bellach mae gan 70% o bobl ifanc 12-15 oed broffil cyfryngau cymdeithasol, a Snapchat yw'r platfform amlycaf yn y grŵp oedran hwn (Ofcom 2019)
• Mae plant 5-15 oed bellach yn treulio dros 14 awr yr wythnos ar-lein, ychydig dros ddwy awr y dydd (Ofcom 2019)

Gwyliwch y fideo isod i ddarganfod sut i amddiffyn plant yn y byd digidol, sut i roi gwybod am ddeunydd niweidiol ac i ddatblygu sgiliau ar gyfer amser sgrin iach.

Diogelwch ar-lein

Mae plant yn defnyddio gwefannau ac apiau gwahanol gan eu rhieni yn rheolaidd, a gall fod yn anodd cadw lan a’r byd digidol hwn sy'n newid yn barhaus.

Ond mae'r pethau sy'n helpu i gadw plant yn ddiogel ar-lein yn aml yn debyg i'r pethau sy'n eu cadw'n ddiogel oddi ar-lein.

Cyfathrebu sy’n allweddol - anogwch nhw i siarad am eu gweithgareddau a'u perthnasoedd, eu dysgu am ble y gallent fynd os oes angen cymorth arnynt, a bod yn agored ac yn gefnogol i adael iddynt wybod y gallent ddod atoch chi.

Siaradwch am yr hyn maen nhw'n meddwl sy'n normal ar-lein a pha ymddygiad i'w ddisgwyl gan eraill a ganddyn nhw eu hunain.

Anogwch nhw i feddwl yn feirniadol a chwestiynu'r hyn maen nhw'n ei weld ar-lein. Siaradwch â nhw am ble maen nhw'n mynd i gael gwybodaeth maen nhw'n ymddiried ynddi, siaradwch am newyddion ffug, dilynwyr ffug a sgamiau. Helpwch nhw i ddatblygu amheuaeth iach o ran pwy mae pobl yn ddweud ydy nhw.

Rhannwch eich gwybodaeth a'ch profiad o berthnasoedd. Er enghraifft, weithiau mae pobl yn ymddangos yn glên ar y dechrau ac yna maen nhw'n troi allan i fod yn gâs. Gadewch iddyn nhw wybod eich bod chi'n gwybod hyn, gallent siarad â chi amdano. Ac nad ydych chi wedi mynd i banig nac yn eu cosbi os ydyn nhw'n gwneud hynny.

Dangoswch iddyn nhw sut i roi gwybod am unrhyw ymddygiad pryderus maen nhw'n ei weld ar-lein - er enghraifft trwy Orchymyn Cam-fanteisio ar Blant ac Amddiffyn Ar-lein neu Sefydliad Gwylio’r Rhyngrwyd.

Rydyn ni'n helpu i baratoi ein plant ar gyfer eu dyfodol os ydyn ni'n eu helpu i fynd ar-lein yn ddiogel ac yn gyfrifol. Mae llawer o bobl yn poeni am faint o amser mae plant yn dreulio o flaen y sgrin, ond gall fod llawer o bethau cadarnhaol ynglŷn â'r hyn y mae eich plentyn yn ei wneud ar-lein - adloniant, cadw mewn cysylltiad â ffrindiau ac ymchwilio i waith cartref - felly amser sgrin o ansawdd sy'n bwysig.

< Fideo blaenorol                                                                                                                                                                          Fideo nesaf > 

EISIAU GWYBOD MWY?

Os ydych chi eisiau gwybod mwy sut i atal cam-drin plant yn rhywiol, gallwch wylio gweddill ein ffilmiau byr.

Os ydych chi'n poeni am sut mae oedolyn neu berson ifanc rydych chi'n ei adnabod yn ymddwyn o amgylch plant, gallwch gael cefnogaeth gyfrinachol drwylinell gymorth Stop It Now! 0808 1000 900. Os nad ydych yn barod i siarad â rhywun eto, gallwch ddefnyddio einsgwrs fyw neu anfon neges ddiogel.